近來做咗少少市場調查。
我想喺度提出幾個問題：
早前，YouTuber慕容製作影片譴責CGA。
結果帶動輿論壓力，確實減少咗CGA嘅生意收益。
變相促使CGA未能達標而毀約，令到CGA有大機會要賠償予其他公司。
現在，我想問YouTuber慕容，到底係從何途徑得到CGA同其他公司簽訂嘅合約？
閣下作為冇任何直接關係嘅第三方，喺獲取人地公司合約條文嘅過程，用嘅手法，是否公開而合法？
閣下製作影片，譴責CGA背後有冇收受利益？
另外，我搵到幾位曾從事香港電競行業嘅專業人士同老闆。
結果出乎意料，大家不約而同指出CGA電競生意並不理想，要舉辦大型比賽，或是培訓隊伍，單憑政府資金，根本入不敷支。
加上生意方針混亂不一，又搞網吧，又做公仔機，以致不少員工都對公司前景不樂觀。
我想再問，慕容可唔可以解釋清楚，CGA到底如何構成一個利益集團？
一間自顧不暇嘅公司，佢哋究竟邊度嚟多餘資金影響輿論？
佢哋過去又具體影響咗啲咩輿論？
澄清一下，我並唔係CGA或者屎萊姆嘅朋友。
事實上，呢篇文章提出嘅問題只會令CGA更加尷尬。
不過既然慕容聲稱為求公義而揭露真相，我們少不免要愈辯愈明。
靜候回覆。
————-
補充：
所謂屎家軍已經不成氣候。
我嘅重點其實係放喺CGA。
如果CGA真係收受利益，控制輿論，大家冇理由輕輕帶過。
希望大家能夠搵出真相。
Search